சிலப்பதிகாரம்

மங்கல வாழ்த்துப் பாடல்

திங்களைப் போற்றுதும் திங்களைப் போற்றுதும்

கொங்கலர்தார்ச் சென்னி குளிர்வெண் குடைபோன்றிவ் 

வங்கண் உலகளித்த லான்

திங்களைப் போற்றுதும் திங்களைப் போற்றுதும்

கொங்கு அலர் தார்ச் சென்னி குளிர் வெண்குடை போன்று 

இவ் அம் கண் உலகு அளித்தலான்

சொற்கள்	பொருள்
கொங்கு	தேன்
அலர்	மலர்
தார்	மாலை
கொங்கலர்தார்	தேன் மணம் வீசுகின்ற மலர் மாலை
சென்னி	சோழ மன்னன்
அம்	அழகு

தேன் மணம் வீசுகின்ற மலர் மாலையையுடைய சோழனது குளிர் வெண் குடையைப் போல 

இந்த அழகிய உலகிற்கு குளிர்ச்சியை அளிப்பதால்

திங்களைப் போற்றுவோம்!திங்களைப் போற்றுவோம்!

ஞாயிறு போற்றுதும் ஞாயிறு போற்றுதும் 

காவிரி நாடன் திகிரிபோற் பொற்கோட்டு 

மேரு வலந்திரித லான்

மாமழை போற்றுதும் மாமழை போற்றுதும் 

நாமநீர் வேலி யுலகிற்கு அவன்அளிபோல் 

மேல்நின்று தான்சுரத்த லான்